Këngëtari i njohur Aleksandër Gjoka është ndjerë keq në skenë ndërkohë që po këndonte në natën e dytë të Festës së Miqësisë në qytetin e Beratit. “News 24” raporton se këngëtari i njohur ishte duke kënduar dhe në një moment ka pasur probleme me tensionin dhe është ndjerë keq.
Menjëherë në Pedonalen ku edhe ishte improvizuar skena e kësaj feste ka mbërritur ambulanca dhe e ka dërguar këngëtarin Gjoka në spital.
Burime nga Spitali Rajonal Berat bëjnë me dije për “News 24” se këngëtari Aleksandër Gjoka ka pasur tension të lartë dhe pasi ka marrë mjekim gjendja e tij shëndetësore është stabilizuar.
Aleksandër Gjoka ka qenë i ftuar për të kënduar mbrëmjen e sotme në Pedonalen e Beratit, së bashku me Redon Makashin dhe Elton Dedën.
