![](https://www.shkodraweb.com/wp-content/uploads/2018/07/nikolin-shqau-niko-peleshi.jpg?x87856)
Nikolin Shqau, pronari i restorant “San Francisco” në Shkodër që u mbyll nga hetimi tatimor, i ka dërguar një letër të hapur, përmes profilit të tij në Facebook kryeministrit Edi Rama dhe ministrit Arben Ahmetaj. Në letrën e hapur, prnari shqau shkruan:
I nderuar Zoti Kryemisnister,
Ne jemi nje bisnes familjare ne qytetin e Shkodres (San Francisco Restorant) me adres rruge Kol Idromeno, lagje Vasil Shanto ku kemi te punsuar 16 puntore dhe 12 kursant nga shkolla profesionale Hamdi Bushati. Si nje dite si cdo dite perballemi me sakrifica te medha per te mbajtur puntoret ne pune dhe per ti siguruar familjes sime buken e gojes. Nuk te di si eshte puna por punonjesit e institucioneve te taksave na bijne ne qafe duke na vene gjoba krejtesisht te padrejta dhe me ne fund duke na mbyllur bisnesin ne menyre krejt te padrejte. Ne jemi ne rregull me te gjitha dokumentacionet qe i nevojiten cdo bisnesi dhe jemi krejt ne rregull me ligjin duke paguar taksat rregullisht sipas detyrimeve.
Jam shum i revoltuar ndaj ketyre individeve qe ne menyre te qellimshme per te ndihmuar konkurencen e pandershme vijne dhe na vendosin gjoba ne menyr krejt te padrejte dhe na bllokojne edhe biznesin.
Edhe turpi ka marren e vet. Istitucionet i ka mbuluar korrupsioni dhe po nuk pagove nuk te len te besh bisnes. Ketu eshte bjeri atij qe eshte ne rregull me ligjin se te te parregulltit i kan gati per te shtuar oferten e pagesave. Shteti mbahet me taksat e bisnesit ne kembe, nuk e di ku e ka leverdin shteti per te mbyllur bisnesin kur i paguan detyrimet ne rregull, kur ne nje kohe une e di se shteti do te mbledh taksa sa me shume qe te ofroje sherbime ndaj qytetarit. Nga rruga 28 Nentori dhe ne rrugen Kol Indromeno jane shume bisnese si me mundime shume te medhaja dhe ne menyre krejtesisht te ndershme pagaujne detyrimet shtetit, por ka edhe nga ata bisnese ne pedonale ne qender te qytetit qe ushtrojne te njejtin aktivitet si ne ushtrojme qe nuk paguajne taksa madje nuk jan te regjistruar fare si bisnes. Jetoj me shprese se nje dite shteti do pajtohet me popullin e vet dhe jo te sillet si xhandare me bisnesin. Nuk e di se ku te ankohem dhe kujt ti ankohem per te drejten time per te vazhduar te ushtroj biznisin pa u dhunuar ne qytetin e shkoders ju letemi merreni ne konsiderat ankesen time.
me respekt Nikolin Shqau”, përfundon letra e hapur për shefin e qeverisë dhe ministrin Ahmetaj.