Vllaznia gabon edhe nga pika e bardhe e 11-metershit dhe nuk arrin te fitoje ndaj Kukesit duke shperdoruar nje mundesi te arte per t’iu shkeputur serish rivaleve te saj. Ne ndeshjen e luajtur pasditen e sotme ne “Loro Borici” eshte fiksuar rezultati i barabarte 0-0
Vllaznia ne pjesen e pare ka patur disa raste te pastra shenimi, duke filluar nga ai i Nyavedji, Kalajes, Ardit Hoxhes, Kaleziç e sidomos me Kalajen ne minuten e 45-te kur shperdoron nje mundesi te arte shenimi. Por duhet thene se ne pjesen e pare, edhe Kukesi ka nje mundesi te mire kur Imami gabon ne kthimin e topit mbrama por Ibrahimi ndalet nga portieri Zogoviç.
Ne pjesen e dyte eshte Kukesi qe luan me mire per disa minuta, kontrollon mesfushen dhe herpashere shohin edhe drejt portes se Vllaznise.
Pas minutes se 65-te, trajneri Brdariç hedh ne fushe njekohesisht Dilaver, Cisse dhe Imerin dhe loja e saj merr rrjedhe tjeter. 5 minuta me vone, Cisse fiton 11-metersh, por nga pika e bardhe Imeri gabon sepse gjuajtja e tij pritet nga portieri Xhika.
Kukesi reagon dhe ne minuten e 74-te Eze ka nje mundesi te arte shenimi, por gjuan mbi traverse. Vllaznia nuk ka deshire te heqe dore nga perpjekjet per ta fituar ndeshjen dhe dy minuta me vone eshte Kaleziç qe gjuan keq mbi traverse.
Ne minuten e 79-te aksion i shkelqyer i Vllaznise, Dilaver ul topin per Imerin qe gjuan por topi perfundon jashte.
VLLAZNIA- KUKESI 0-0
VLLAZNIA: Zogoviç, Gurishta, Adili, Imami, Kruja (Cisse), Krymi, Jonuzi, Nija Vexhi, Da Silva (Kaleziç), Hoxhaj (Dilaver), Kalaja. Trajner: Thomas Brdariç
KUKËSI: Xhika, Baravikas, Lulaj, Kurdiç, Demiri, Taipi, Tsintsaxe, Peposhi, Ibraimi, Gashi, Eze. Trajner: Mirel Josa.