Pas publikimit të lajmit nga Gazeta ‘Sot’ se ‘Shtetet partnere sjellin dhjetëra dosje për pasuritë e pushtetarëve, një politikani të lartë i gjenden 300 milionë euro të fshehura në Zvicër’, ka ardhur reagimi i juristit Romeo Kara.
Përmes një postimi në rrjetet sociale, Romeo Kara shkruan se ka një parandjenjë se politikani i lartë që është kapur në Zvicër më 300 milion euro dhe 80 milionë të tjera në Londër, është ai që ‘ta pret dorën pa narkozë po vodhe votën’.
“Seç kam nje parandjenje, qe politikani i larte, të cilit i jane kapur gafil 300 milione euro në Zvicer dhe 80 milione euro të tjera në Londer, eshte ai miku im, qe i “ngjan” Vojo Kushit dhe Avni Rustemit dhe t’a “pret” doren pa narkoze po vodhe voten. Po të jete ai, jam i “zhgenjyer” me te se e dija multimiliarder, jo kaq të “varfer”.”, shkruan Romeo Kara.
Kujtojmë se Presidenti Meta ka kërcënuar se do t’iu presë dorën gjithë atyre që vjedhin votat më 25 prill.
