Pritjes i erdhi fundi. Në Theatre du Chatelet në Paris mbahet ceremonia e “Topit të Artë”, një eveniment madhështor që zhvillohet një herë në vit dhe jepen çmime përkatëse sa i takon periudhës nga 1 gushti 2023 deri më 31 korrik 2024.
iç dihet, në ceremoni do të ndahen gjithsej nëntë çmime.Trofeu Kopa i jepet lojtarit më të mirë nën moshën 21 vjeçare, ndërsa Trofeu Yashin i jepet portierit më të mirë. Trofeu Gerd Muller i jepet golashënuesit më të mirë gjatë sezonit 2023/24 dhe çmimi Socrates vlerëson lojtarin që ka bërë punën më humanitare.
Ka edhe çmime për trajnerët më të mirë të meshkujve dhe femrave nga sezoni i kaluar si dhe Klubi i Vitit për meshkuj dhe femra. Nuk mund të lihet pa përmendur fakti se mesfushori me origjinë shqiptare, Granit Xhaka, u rendit në vendin e 16-të.
Çmimet:
Lojtari më i mirë nën moshën 21-vjeçare: Lamine Yamal (Barcelona).
Klubi më i mirë për femra: Barcelona
Klubi më i mirë për meshkuj: Real Madrid
Golashënuesit më të mirë: Harry Kane dhe Mbappe
Topin e Artë për Femrat: Aitana Bonmati fiton për herë të dytë radhazi.
Trajneri më i Mirë për Meshkujt: Carlo Ancelotti fiton çmimin.
Trajnerja më e Mirë për Femrat: Emma Hayes fiton çmimin.
Portieri më i mirë i vitit: Emiliano Martinez fiton trofeun “Yachine”.
Topi i Artë për Meshkuj: Rodri shpallet fitues.
