![](https://www.shkodraweb.com/wp-content/uploads/2023/09/migen-memelli-post-erzeni-2023-1024x536.jpg?x87856)
Vllaznia fitoi 0-2 në Korçë kundër Skënderbeut vendas, me ndeshjen që ishte hapëse për javën e nëntë në Superligë. Autogoli i Dumfour dhe Antonio Delaj i dhanë tri pikë shkodranëve në transfertë.
Pas ndeshjes, trajneri Migen Memelli doli për të përshëndetur të ftuarit në emisonin “Skaner”, teksa tregoi se refuzon të flasë për shkak se e bija e zyrtarit të Vllaznisë, Alban Hasani (ish- drejtori i Akademisë), po lufton për jetën.
“Kam dalë në këtë intervistë për të respektuar të gjithë të ftuarit. Për hir të së vërtetës më duhet të jap një lajm që nuk është i mirë. Vajza e mikut tonë Alban Hasani, po lufton për jetën. Në këto kushte kemi shumë ngarkesë psikologjike”, tha Memelli.