Shkruan në Facebook deputetja e zgjedhur e PS- së Shkodër Edona Bilali: “…Ajo që bie në sy nga ky monitorim është cilësia e lartë e ujërave në Velipojë e Shëngjin”.
Kur thoja gjithë këto vite që Velipoja është plazhi më i mirë në botë e pranoj që mund ta kem patur pak nga lokalizmi por që në Shqipëri është i pakrahasueshëm ska patur asnjëherë diskutim.
Opinionet sigurisht varen nga preferencat dhe ponderimi që sejcili i bën faktorëve në vendimmarrje por FAKTET JANË FAKTE. BE ka bërë testimin e ujit dhe Velipoja renditet në maje për cilësinë. Javë të mbarë me këtë konfirmim fantastik dhe kujtesë që vera ska mbaruar ende.
ARTIKULLI I PLOTË
Publikohet raporti i Bashkimit Europian për cilësinë e ujërave detare por edhe në tokë, ku Shqipëria renditet e 20-a nga 30 shtete të monitoruara. Sipas raportit 76.5 për qind e ujërave në Shqipëri kanë kualitet të shkëlqyer, 95.8% kanë cilësi të pranueshme dhe 4.2% klasifikohen si zona të ndotura.
Renditja sipas cilësisë së ujit. Kryeson Qipro e ndjekur nga Austria, Greqia, Malta dhe Kroacia 119 plazhe dhe zona të tjera ujore janë monitoruar në vendin tonë, prej të cilave janë marrë 1071 mostra të cilat janë analizuar më pas për dy parametra mikrobiologjikë (Escherichia coli dhe Enterokokët).
Zonat e ndotura janë 5, në liqenin e Pogradecit, në pjesën e qytetit, 1 liqen në zonën e Skraparit pranë fshatit Faqekuq, 2 zona në Durrës, në Plazh dhe Në fund të shëtitores Vollga si dhe 1 zonë në plazhin e Vlorës në qytet, raporton Newsbomb.al.
Ajo që bie në sy nga ky monitorim është cilësia e lartë e ujërave në Velipojë e Shëngjin si dhe ujërat e kristaltë të Sarandës.
