Kolegji i Posaçëm i Apelimit (KPA) ka shkarkuar ditën e sotme nga detyra Kryetarin e Gjykatës së Apelit Administrativ Tiranë, Kastriot Selitën.
Selita u konfirmua në detyrë nga Komisioni i Pavarur i Kualifikimit (KPK), por u përball sërish me vetingun pasi Operacioni Ndërkombëtar i Monitorimit rekomandoi ankimimin.
Komisioneri Publik i kërkoi Kolegjit të Posaçëm të Apelimit që të shqyrtojë ligjshmërinë e vendimit të KPK, për konfirmimin në detyrë të Selitës, me pretendimet se përfundimet e Komisionit të Pavarur të Kualifikimit për pasurinë dhe aftësitë profesionale të kryegjyqtarit Kastriot Selita janë të gabuara.
