![](https://www.shkodraweb.com/wp-content/uploads/2024/04/pistolete-18-vjec-malesi-madhe-1024x536.jpg?x87856)
Si rezultat i administrimit të menjëhershëm të inteligjencës policore që sigurohet në kuadër të planit operacional kombëtar të koduar “Sundimi i ligjit”, për shtetasit që posedojnë armë, pa leje, shërbimet e Komisariatit të Policisë Shkodër, në bashkëpunim me ato të Forcës Kombëtare të Sigurisë, Njësia Shkodër, finalizuan operacionin policor të koduar “Sinjali”.
Gjatë operacionit u kap në flagrancë dhe u arrestua shtetasi Jasin Drijaj, 18 vjeç, banues në fshatin Boriç i Madh.
Në lagjen “Perlat Rexhepi”, shërbimet e Policisë sinjalizuan dhe ndaluan për kontrolle automjetin që drejtonte 18-vjeçari, ku gjetën 1 armë zjarri pistoletë të cilën ky shtetas e mbante pa leje dhe 2 krehra me fishekë luftarak.