![](https://www.shkodraweb.com/wp-content/uploads/2023/11/boks-1024x536.jpg?x87856)
Ka degjeneruar në dhunë dueli i boksit mes Denis Nurjes dhe kolumbianit Ramirez, ndeshje e zhvilluar në pallatin e sportit “Feti Borova” në Tiranë. Gjatë kohës që ndeshja ishte e ndërprerë për shkak të dëmtimit në këmbë të Nurjes, boksieri kolumbian e godet në befasi, duke sjellë acarimin e fansave të boksierit shqiptar.
Ata janë futur në ring duke goditur me grushte e shkelma kolumbianin Ramirez. Në pamje shihet se ka ndërhyrë edhe policia e shtetit.
Ringu i boksit u shndërrua në arenë përleshjesh mes 2 stafeve dhe tifozëve. Pas kaosit të krijuar, vendimi final ishte se kjo ndeshje konsiderohet e pazhvilluar.