Realiteti shqiptar i viteve të komunizmit në Shqipëri, shihej vetëm përmes syve të njerëzve dhe publikohej vetëm nga televizioni i vetëm shtetërot i kohës TVSH. Kjo media kontrollohej nga regjimi komunist dhe Shqipëria shfaqej si një “parajsë”. Herë pas here, lejoheshin që edhe trupa xhirimi nga vende të huaja të futeshin në vendin tonë dhe të pasqyronin realitetin e vendit tonë. Edhe këto media, ishin nën monitorim të rreptë dhe u përgatitej gjithçka që duhej të filmonin për të treguar “bollekun socialist” në dyqane, “jetën e lumtur” të qytetarëve, “argëtimin” në aktivitete të ndryshme etj. E gjitha kjo ishte një fasadë për të feshur Shqipërinë e vertetë, atë të kampeve të perqendrimit për kundërshtarët e regjimit, situatën e rëndë ekonomike sidomos në fund të viteve ’70 e në vijim. Më poshtë, një video me pamje të rralla nga Shqipëria komuniste.
