IKMT dhe IMT e bashkisë Shkodër nisin aksionin ndaj paligjshmërisë me ndërtimet pa leje. Inspektoriati Kombëtar i Mbrojtjes së Territorit ka zbarkuar këtë të premte në qytetin e Shkodrës. Në bashkëpunim me IMT të bashkisë Shkodër dhe Policinë e Shtetit, ato kanë nisur aksionin kundër paligjshmërisë në disa objekte të territorit të bashkisë Shkodër.
Aksioni ka nisur në qëndër të qytetit për një shtesë kati pa leje të ndërtuar nga subjekti. Ky subjekt është gjobitur nga IKMT dhe i është lënë afat për heqjen e strukturës metalike të vendosur pa lejen e posacme.
Sipas drejtuesve të IKMT dhe IMT të bashkisë Shkodër është evidnetuar një listë e plotë më të gjithë subjektet të cilat kanë shkelur ligjin dhe do të ndërhyhet gjatë këtyre ditëve në disa zona të territorit të bvashkisë Shkodër.
Një ditë më parë, kryetari i bashkisë Shkodër Benet Beci ka pritur në një takim në bashkinë Shkodër drejtorin e policisë Edmond Sulaj në takimin e parë zyrtar të tij dhe kryeinspektorin e IKMT Agim Ismaili ku është kërkuar bashkëpunim për vendosjen e rregullit dhe ligjit në Shkodër.
Bashkëpunimi i ngushtë mes pushtetit vendor, Policisë së Shtetit dhe IKMT, në mënyrë që të mos abuzohet më duke shkelur ligjin qoftë me ndërtimet pa leje apo edhe me krimet mjedisore që kanë qënë të shumta në Shkodër.
