![](https://www.shkodraweb.com/wp-content/uploads/2017/10/kryemadhiTrop840.jpg?x87856)
Kryetarja e LSI-së Monika Kryemadhi në një deklaratë për mediat pak pas mbarimit të tryezës së partive opozitare, deklaroi se fronti i krijuar do t’i shpallë luftë kryeministrit Edi Rama. Në një dalje publike për mediat, Kryemadhi theksoi se situata aktuale në Shqipëri është fatkeqësi për vendin. “Në tryezë u vumë përballë një presioni psikologjik të qytetarëve shqiptarë, që gjenden të kërcënuar nga bandat, që po i marrin frymën Shqipërisë. Tryeza ishte një sinjal për opinionin publik, për mediat dhe ata që bojkotuan zgjedhjet, për shqiptarët që bojkotuan zgjedhjet. Ky front do nis angazhimin e tij kundër narko-shtetit që përfaqësohet dhe drejtohet nga Rama. E rëndësishëm është që të gjitha partitë politike që morën pjesë në tryezë ishin të shqetësuar nga situata në Shqipëri, për inkriminimin e shtetit dhe institucioneve të saj. Kjo është fatkeqësia e një vendi, e një shteti dhe e një kombi.”, tha Kryemadhi.
[democracy id=”4″]
https://www.facebook.com/KryemadhiMonika/videos/1410751812370890/