Është ndarë nga jeta në moshën 91- vjeçare ditën e sotme, Ferdinand Bushati apo siç njihej gjerësisht në Shkodër, Zotni Nardi. Nga viti 1967 deri në vitin 1991 Ferdinand Bushati dha kontributin e tij si drejtor i ish-Klubit të Rinisë ”Heronjtë e Vigut” duke zbuluar talentat e rinjë në fusha të ndryshme të artit.
Disa muaj më parë, Bashkia e Shkodrës ka nisur prodhimin dhe shpërndarjen e një podcast- i periodik, i titulluar “Gjurmë zërash”. Ky cikël synon evidentimin e vlerave që kanë bartur e vazhdojnë të përçojnë për Shkodrën e Shqipërinë personalitete të fushave të ndryshme të jetës. Cikli ka nisur pikërisht me një intervistë me Ferdinand Bushatin.
Ndërsa më sipër mund të ndiqni intervisten e fundit të Zotni Nardit, ShkodraWeb i shpreh ngushëllime familjes dhe të afërmëve të Ferdinand Bushatit.
