Nuk kanë kaluar veçse disa orë dhe Luiz Ejlli është shfaqur në publik. Në disa video të publikuara në rrjetet sociale, ai shihet me mikrofon në dorë në një mega party, duke kënduar i shoqëruar nga ovacionet e pjesëmarrësve.
Sigurisht, në krahun e tij, edhe në skenë nuk mungon Kiaka, tashmë zyrtarisht bashkëshortja e tij. Luizi dhe Kiara shfaqen të veshur sportiv, ndërsa duken të lumtur në përqafimin e tyre në publik.
Luiz Ejlli u shpall fitues i BBVip në një maratonë televizive, e cila nisi mbrëmjen e 6 majit 2023 dhe përfundoi në orët e para të datës 7 maj 2023, ku ai fitoi edhe 100 mijë eurot e çmimit të madh.
Para Luizit, pas kësaj fitoreje, hapet një realitet i ri, ku këngëtari duket se do ta ketë të lehtë të rifitojë zemrat e audiencës edhe si këngëtar, ashtu siç e kemi njohur në Shkodër e Shqipëri që nga mosha e vogël.
