![](https://www.shkodraweb.com/wp-content/uploads/2024/07/bes-cinari-gjurme-zerash-2024-1024x536.jpg?x87856)
Mjeshtri i Madh i humorit shkodran e shqiptar, Besnik Çinari, ishte personazhi i radhës i podcast- it “Gjurmë zërash” që Bashkia Shkodër po realizon me personalitete të fushave të ndryshme të jetës në territorin e saj.
Interpretues i mëse 500 roleve, autor i dhjetra teksteve për zhanrin e humorit si komedi e skeçe, ndoshta emri më i madh aktualisht i asaj që mund të konsiderohet estrada shqiptare, Bes Çinari ka rrëfyer jetën dhe karrierën e tij.
Një karrierë e gjatë, e shtrirë në kohë dhe në role, e pamundur të përmblidhet në pak minuta por siç është në natyrën e tij, nuk kanë munguar notat e humorit edhe në këtë intervistë me gazetarin e mirënjohur Adrian Hoti.