47 Leje Drejtimi të pezulluara për shpejtesi dhe ālkōl, gjatë drejtimit të mjeteve. 10 drejtues mjetesh dhe motomjetesh, të arrestuar “per drejtim mjeti në mënyrë të parregullt”, në gjendje të dēhūr dhe të pa pajisur me leje drejtimi.
Gjatë orëve të mbrëmjes të datës 18 shtator deri në orën 01:00 të mëngjesit të së shtunës dhe gjatë mbrëmjes së djeshme deri në orën 01:00, të mëngjesit të sotëm, gjatë kontolleve me radar në rugët interurbane Tiranë -Durrës-Tiranë dhe Tiranë -Elbasan -Tiranë, janë evidentuar dhe janë ndëshkuar me pezullim të Lejes së Drejtimit 31 drejtues mjetesh, pasi qarkullonin me shpejtësi gati dyfishin mbi normat e lejura, shpejtësi që varionin 145 km/h deri në 178 km/h.
Po gjatë këtij harku kohor, janë evidentuar dhe janë dërguar per gjykim në Organin Administrativ Shtetëror, dy drejtues motomjetesh dhe dy drejtues automjetesh të cilët janë konstatuar duke bërë gara shpejtësie me njeri-tjetrin, si dhe janë vendosur 51 masa administrative për shpejtësi mbi normat e lejuara, pa sanksion plotësues dhe për mos rregullim shpejtësie në qendrat e banuara.
Kontrollet kanë vazhduar dhe po vijojnë në të gjitha rrugët e kryeqytetit duke përdorur ālkōl testuesit dhe si rezultat gjatë dy netëve dhe orëve të para të mëngjesit të së shtunës si dhe deri në këto momente janë evidentuar dhe u është pezulluar leja e drejtimit 16 drejtuesve të automjeteve të cilët drejtonin mjetin nën efektin e ālkōlit, në masën që varionte nga 0.22 mg/l deri në 0.44 mg/l.
Gjithashtu janë evidentuar dhe arrestuar në kushtet e flagrancës 5 drejtues mjetesh që drejtonin mjetin në gjendje të dēhūr, në masën që varionte nga 0.55 mg/l deri në 0.76 mg/l.
Si dhe janë arrestuar dhe 5 shtetas të tjerë për drejtim mjeti pa Leje Drejtimi. /Njoftim i Policisë së Shtetit/
