“Shndrit n’Shirokë” ka sjell për herë të parë “Light’s Fest” në Shkodër. Një aktivitet i organizuar nga Bashkia e Shkodrës në bashkëpunim me Ministrinë e Kulturës.
Për zëvendëskryetarin e Bashkisë Shkodër, Rudin Beka, të tilla evente tregojnë edhe njëherë tjetër çasjen dhe vizionin e Bashkisë Shkodër për organizomin e tl tilla eventeve masive që janë një atmosferë ndryshe jo vetëm për banorët e Shkodrës por edhe turistët e shumtë.
Për mëse 2 orë, qendra e Shirokës, u kthye në një shesh feste me spektatorët që kanë shijuar performancat e artistëve më të njohur, por edhe performancat e akrobatve dhe lojërat me zjarrin.
Përvec performancës së artistëve, në qiellin e Shkodrës ndriçuan edhe balonat me zjarr që sollën edhe një atmosferë ndryshe për të pranishmit në qendër të sheshit të Shirokës. Light’s Fest, ka hapur siparin në Shkodër duke premtuar me të tjera evente të tilla edhe në vitet e ardhshme.
