Organizuar nga Bashkia Shkodër dhe shoqata “Well Point” u zhvillua të dielën në Theth “Festa e Alpeve”.
Shfaqjet e grupeve artistike nga trevat e veriut, promovimi i pasurive natyrore, kulturore e historike të zonës përmes panaireve, si ai i xhubletës, artizanatit e kulunarisë, si dhe guidat në “Kullën e ngujimit”, tek Ujëvara e Grunasit e kanionet e Thethit, ishin pjesë e axhendës.
I pranishëm në këtë festë, zëvendëskryetari i Bashkisë Shkodër, Rudin Beka, siguroi për angazhimin maksimal të bashkisë për përmirësimin e kushteve me qëllim zhillimin e qëndrueshëm të turizmit në Theth.
Zgjidhja e problemit të furnizimit me energji elektrike dhe aksionet e pastrimit, të realizuara në tre javët e fundit, Beka tha se ishin pjesë e planit të emergjencës ndërsa prezantoi disa nga projektet në planin afatmesëm.
