![](https://www.shkodraweb.com/wp-content/uploads/2023/10/alivoda-skenderbeu-vllaznia-2023-1024x536.jpg?x87856)
Një frymëmarrje për Vllazninë në fund të fazës së parë të Supërligës. Kështu mund të përmblidhet në pak fjalë fitorja e kuqebluve në Korçë, duke arritur në kuotën e 12 pikëve.
Ndeshja ka qenë mjaft e ekulibruar në 45 minutat e para të saj. Skuadrat më shumë u kujdsën të studiojnë njëra- tjetrën, deri në minutën e 34- ët, kur Ramos nuk kontrollon topin, Gruda ia merr e më pas niset drejt portës, me Prençin i cili i ndërhyn duk e rrëzuar. Gjyqtari nuk heziton duke i treguar kartonin e kuq si lojtar i fundit.
Edhe minutat e mbetura të pjesës së parë, mbyllen me rrjeta të paprekura. Pjesa e dytë, është një monolog ku Vllaznia kërkon me të gjitha forcat e mënyrat të shfrytëzojë epërsinë numerike. Skenderbeu reziston dhe rezultati ndryshon vetëm me një autogol. Pas një topi të krosuar në zonë, Dumfur e kthen pas me kokë dhe topi ndalet në portën e tij, të Skenderbeut.
Nga minuta e 84- ët, Vllaznia tenton të administrojë fitoren e shumëkërkuar. Arbitri akordon edhe 5 minuta shtesë, të cilat vendasit duan ti shfrytëzojnë për barazimin. Në fakt, pësojnë golin e dytë.
Një top i ulur në zonë me kokë nga Balaj për Delajn goditet saktësisht nga ky i fundit duke kaluar Aliajn e dyfishuar shifrat. Vllaznia hipotekon fitoren, mjaft e rëndësishme në kuadër të objektivave të sezonit dhe me një formacion të emergjencës për shkak dëmtimesh e kartonash.