![](https://www.shkodraweb.com/wp-content/uploads/2024/01/hotel-rozafa-zjarr-2024-1024x536.jpg?x87856)
Një hotel është përfshirë nga flakët këtë mbrëmje në qendër të qytetit të Shkodrës. Në vendngjarje kanë mbërritur zjarrfikësit, që bashkë me punonjësit e hotelit, po punojnë për të nxjerrë jashtë turistët e akomoduar.
Burime jo zyrtare bëjnë me dije se shkëndija elektrike ka përfshirë panelin elektrik.
Shkodër/Informacion paraprak
Rreth orës 21:15, në katin e dytë të hotel “Rozafa”, ka rënë zjarr, dyshohet si pasojë e një shkëndije elektrike.
Zjarrfikësit kanë bërë të mundur shuarjen e plotë të flakëve, nga të cilat janë shkaktuar vetëm dëme materiale.
Grupi hetimor, në drejtimin e Prokurorisë, po punon për zbardhjen e plotë të shkakut të rënies së zjarrit dhe për sqarimin e rrethanave të rastit.