![](https://www.shkodraweb.com/wp-content/uploads/2018/07/skenderbeu-ulqin.jpg?x87856)
Shtatorja e Gjergj Kastriotit Skënderbeut do të vendoset në një rrethrrotullim, në qendër të qytetit të Ulqinit, tek ndërtesa e Komunës. Këtë lajm për “Portalin Ul-info” e vërtetoi kryetari i Komunës së Ulqinit Loro Nrekiç, i cili shtoi se për këtë gjë u fitua pëlqimi i Ministrisë së Kulturës.
Edhe bulevardi në të cilin gjendet rrethrrotullimi mban emrin e heroit kombëtar shqiptar. Këtë vit festohet 550-vjetori i vdekjes së Skënderbeut.
Mësohet se në Ulqin ai kishte kalanë e tij, të cilën pas vdekjes së tij në vitin 1468 e trashëguan kushërinjtë e tij.