Një zjarr i rënë pasditen e së martës në malin e Rrenzit pranë zonës turistike të Ranës së Hedhun në Shëngjin shkrumboi me dhjetra hektarë pyje si dhe vuri në alaram autoritet lokale. Zjarri i cili u pikas rreth orës 14:00 të ditës së djeshme nga punonjësit e shërbimit pyjor u përhap me shpejtësi kjo e favorizuar dhe nga era e fortë.
Për shuarjen e flakëve u angazhuan zjarrfikesit shërbimi pyjor si dhe forcat e ushtrisë të cilët në orët e para të mëngjesit bënë të mundur shuarjen e plotë të flakëve të zjarrit.
“Deri tani është djegur një sipërfaqe e konsiderueshme është djegie sipërfaqësore. Megjithatë duhet të jemi gati që ti paraprijmë sepse era karakteristike e Lezhës ndonjë herë është e papritur” u shpreh Shef i PMNZH-së Lezhë, Agustin pepkolaj
“Situata është kapur në kohë, brenda 10 minutash është bërë njoftimi i zjarrfikëseve, i punnjësve të pyjores terreni është i vështirë dhe futja e zjarfikëseve është e pamundur. Ne po punojmë me zjarrfikësete në zonat e banuara që mos të kemi dëme njerëzore “ u shpreh Tonin Uldedaj administrator i Shëngjinit
Ende nuk dihen shkaqet e vërteta të këtij zjarri, por nga hetimet rezulton se ai mund të ketë qenë i qëllimshem.
Mali i Rrenzit është një zonë mjaft e rriskuar përsa i përket zjarreve ku gjatë vitit të kaluar janë shkrumbuar me dhjetra hektarë pyje, ndërsa u vu në rrezik dhe zona e banuar.
